Dosbarth chwaraewyr profiadol
- Saesneg
Mae Neil yn chwarae amrywiad o offerynnau sydd wedi ennill clod am ei gyfeillgarwch a'i gymorth gan fynychwyr ei glwb alawon sy'n cwrdd bob mis yng Nghaernarfon. Mae hefyd wedi bod yn diwtor poblogaidd ar benwythnos breswyl Trac, 'Yr Arbrawf Mawr'.
Bydd rhai yn ei adnabod drwy ei fand Never Mind the Bocs neu fel acordianydd  Cajuns Dembo.
Gall Neil, fel aml-offerynnydd, gynorthwyo dysgu cyfeiliant yn ogystal ag alaw, a bydd yn tynnu ar ei brofiad helaeth o ddysgu chwaraewyr eraill i arwain y dosbarth hwn.

Dosbarth chwaraewyr canolig
 - yn Saesneg
Mae'n flynyddoedd ers i Gary ddod i Gymru i fyw yn Nolanog a dros y cyfnod hynny mae wedi datblygu hoffter am ein cerddoriaeth draddodiadol a'r dull traddodiadol o ddysgu trwy'r glust.
Mae wedi chwarae gyda nifer o grwpiau a bandiau twmpath ac wedi calonogi chwaraewyr newydd yn ei ardal ac yn ehangach drwy ei glwb alawon.
Ni fedr yr alawon mae'n chwarae ar ei felodeon fethu annog dysgwyr i ymuno â'r sesiwn yma ar gyfer chwaraewyr llai profiadol.

Gary Northeast

Dosbarth dechreuwyr - yn Saesneg
Cerddor sesiwn yw Ruth sydd yn rhoi gwersi i unigolion ddysgu'r ffidil.
Mae hi wedi bod yn chwarae alawon werin Gymreig am ryw 4 blynnedd ar ôl mynychu digwyddiadau fel yr Arbrawf Mawr, gweithdai Clera a Gŵyl Ffidil Eryri yn Llanberis.
Rhoddai cerddoriaeth werin y cyfle iddi hi i wrando a chyfansoddi ar y pryd, yn bennaf oherwydd bod yr alawon y mae mor hoff ohonynt yn newydd iddi hi.
Mae Ruth yn awyddus i ddarparu cyfleodd i gerddorion werin ddatblygu eu sgiliau chwarae a dod i adnabod yr hen alawon ac mae'n hoff iawn o'u chwarae drosodd a drosodd er mwyn canfod y bywyd sydd ynddynt

Ruth Pybus